GIBUTYAG ni Dr. Fidel Peñamante Presidente sa Philippine Medical Association Gensan nga posibleng mobalik ang hugot nga pagpatuman sa mga health protocols sa Gensan, tungod sa pagtaas na usab sa kaso sa Covid-19.
Usa sa gitan-aw niini nga rason nga posibleng daghan ang nanguli sa syudad gikan sa ubang lugar niadtong Holiday Season, ug adunay dala nga virus. Daghan matud pa ang nagtapok-tapok niining higayona kung asa ang uban dili pa bakunado.
Kahibaloan nga 64% pa lang sa mga residente sa dakbayan ang nakadawat sa second dose sa bakuna ug layo pa kini sa target nga 459, 732.
Nagtambag si Dr. Peñamante sa tanan nga dili magkompyansa tungod anaa gihapon ang risgo sa virus, kanunay batasanon ang pagsoot og facemask, paghugas og kamot, ug likayan ang panagtapok sa mga pampublikong lugar. I Enamie Mogpon