DAKO nga tabang sa mga otoridad ang National Police Clearance System (NPCS) sa mas dali nga pagkasikop sa mga indibidwal nga adunay kaso. Matud ni Police Lt. Col. Aldrin Gonzales tigpamaba sa General Santos City Police Office (GSCPO) ang pag-implementa sa NPCS adunay tumong nga mahimong centralized ang tanang record sa kapulisan ug masayran ang unsa man nga reported crime incidents, warrant of arrest, litrato sa usa ka wanted person, fingerprints, ug ballistics examination records.
Nakadependi sa korte ang pagpagawas sa warrant of arrest sa usa ka akusado ug kung madawat kini sa kapulisan sugdan na ang operasyon aron pangitaon ug dakpon ang usa ka akusado.
Dugang ni Gonzales pinaagi sa National Police clearance system dili maka-ikyas ang kinsa man nga adunay kaso bisan pa motago kini sa ubang lugar apan kung mapamatud-an kinahanglan kini mo-atubang sa balaod. Nanawagan ang nasangpit nga opisyal sa publiko nga makigtinabangay kanila ug itaho ang kinsa mang nalambigit sa iligal nga aktibidad. I Enamie Mogpon