NAGPAGULA og reaksyon ang pipila ka residente sa Tampakan, South Cotabato sa pagtanggal sa 12-anyos nga ban sa open pit mining.
Sa pamahayag ni Jun, dili magpabutyag sa iyang pangalan tungod empleyado kini sa LGU sa lugar. Babag siya sa pagtanggal sa ‘ban’ sa maong klase sa pagmina tungod sa hadlok nga epekto niini sa kinaiyahan ug sa katawhan.
Sa bahin usab ni Carlo, 24-anyos, dili usab magpabutyag sa tinuod nga ngalan gumikan trabahante usab kini sa lokal nga panggamhanan. Pabor siya sa gihimong lakang sa South Cotabato Provincial government gumikan sa dakong tabang sa proyekto sa ekonomiya.
Daghan og Indigenous People’s sa lugar nga nahatagan og higayong makaeskwela og mosaka ang lebel sa panginabuhi tungod niini. Samtang human gipasar ang amendments sa environment code sa probinsiya nagtugot sa tanang klase sa pagmina.
Gipagula sa local environmental activists, religious ug civil society groups ang kakurat sa desisyon sa mga opisyal sa probinsiya. I Richel Gubalani