Nabungkag sa mga personahe saPhilippine Drug Enforcement Agency Regional Office XI kauban ang Mati City Police Station drug den sa Purok Dalampasigan – 1, Bilawan Relocation, Barangay Central, Mati City, Davao Oriental alas-12:04 kagahapon sa kadlawon, Hunyo 30 tuig kasamtangan.
Target sa maong drug buy-bust operation mao si Oliver Reyes alyas Ver, 43 anyos,minyo usa ka driver ug residente sa nasangpit nga lugar ug malampuson nga nadakpan human aktong napalitan sa pulis nga nagpaka aron ingnung poseur buyer.
Samtang dakpan sab ang mga kaubanan niini ug nanag-iya sa maong drug den nga si Edwin De Ocampo ug bisita nga si Gian Carlo Arahori ug Eric James Estillore.
Nakuha sa ilang posisyon ang upat (4) ka pakete sa gituohang shabu nga mutimbang sa dose gramos nga dunay DDB Value nga Php 81,600 ug nagkadaiyang drug paraphernalia.
Kasamtangan, giasikaso na ang mga dokumento aron nga mapasakahan og kasong kalapasan sa Republic Act 9165 kon Comprehensive Dangerous Drugs Act of 2002 ang nasangpit nga mga dinakpan.