LEGAZPI CITY – Planong ipautob kan gobyerno-probinsyal kan Albay an pagkakaigwa nin health insurance card para sa mga empleyado kan kapitolyo sa masunod na taon.
Katakod ini kan pagbubukas kan Wellness Clinic para sa mga empleyado kan kapitolyo kasuudma.
Segun kay Governor Atty. Edcel “Grex” Lagman, mahanap sinda nin health insurer na kayang masustenir an proteksyon kan kada empleyado ninda asin magkaigwa nin dugang na health coverage.
Apwera pa digdi, an dedikasyon asin pag-ingowa kan mga empleyado ninda an pirmi su boot na nagsisirbing inspirasyon sa pagpatugdok kan wellness clinic nganing mapangatamanan an salud kan mga ini.
Magigirumduman, salud an saro sa mga development agenda kan administrasyon para sa ngunyan na taon, asin ini man an enot asin priority development framework para sa fiscal year 2024.