Owa pa natapos ro pakikipagsukoe ag halit nga tuga it pandemya bangud sa covid-19.
Raya ro naging mensahe ni Dr. Daystar S. Sedillo, Municipal Health Officer it banwang New Washington ag Presidente it Association of Municipal Health Officers of the Philippines – Aklan Chapter, sa pagtapos it Provincial Launching it PinasLakas Vaccination Campaign iya sa probinsya it Aklan.
Sa mensahe it pagsuporta para sa nasambit nga kampanya, ginpaabot ni Dr. Sedillo nga bukon pa it tapos ro pakikipagsukoe sa covid-19 ag bangud nagapabilin pa ro nasambit nga virus, ro dapat nga diskarte hay protektahan ro kaugalingon pinaagi it pagbakuna.
Suno pa kay Dr. Sedillo nga mabudlay ro ginaagyan it tanan bangud sa covid-19, pero bangud sa pagbueoligan ag padayun nga pagpabaskug it proteksyon pinaagi it bakuna, siguradong maging madinaeag-on ro Aklan kontra sa pandemya. / ANN DESLENE SALAZAR