Giila na sa Carmen Municipal Police Station ang patayng lawas sa usa ka lalaki nga nakit-an sa baybayong bahin niadtong nakalabayng adlaw Enero 20, 2024 sa Barangay Cahayagan, Carmen Agusan del Norte.
Gikumpirma mismo ni Police Major Ernesto Marcos Jr. ang labaw sa maong estasyon nga ang maong biktima mao si Renato a.k.a “Rene” Tindogan Jabonete, 38-anyos ug residente sa Bayugan City.
Base sa gihimong imbestigasyon sa kapulisan, nag overnight matud pa ang biktima uban sa iyang mga higala ngadto na sa lungsod sa Carmen niadtong Enero 19 ug ulahi matud pa kining nakit-an niadtong alas 3:00 sa kadlawon Enero 20 apan tungod lango na sa ilimnong makahubog wala na matud pa maka bantay ang iyang mga kauban kung asa mipadulong ang biktima ug mipauli na lamang sa ilang tagsa-tagsa ka mga lugar.
Base sa gibutyag ni PMAJ Marcos, wala matud pa silay nadawat nga report kalabot na sa pagkawala sa biktima, gipailawom na usab kini sa autopsy sa mga personahe sa Scenes of Crime Officer (SOCO) aron masuta kung duna bay natigayon nga foul play sa maong panghitabo.
-END-