Bisan nga owa it storm signal sa probinsya it Aklan bangud sa bagyong Agaton, naka eksperiensya gihapon it mabaskug nga pag-uean ag pagbaha partikular sa daywang mga banwa, imaw ro Altavas ag Balete.
Raya hay base sa initial assessment nga ginhayag ni PDRRMO Aklan Head Mr. Galo Ibardolasa.
Nakaangkon man it evacuation movement sa daywa ka mga banwa.
Suno pa kay Mr. Ibardolasa, sa kabilugan, may evacuees nga kapin sa 454 families o 1,427 individuals nga naghalin sa mga banwa it Altavas, Buruanga, Balete, New Washington ag Malay.
Sa makarun hay owa pa it nabatun ro PDRRMO-Aklan nga mga damage report sa agrikultura, imprastraktura ag lifelines, pero ro banwa it New Washington hay nakahimo eagi it report bangud naagyan raya it buhawi sa may Brgy. Ochando-Dumaguit area kung siin, may una nga 11 partialy damage nga baeay.
Samtang, owa man it nailista suno kay Mr. Ibardolasa nga missing, casualty o injury bangud sa bagyo.
Owa man it deklarasyon it state of calamity sa Aklan. / ANN DESLENE SALAZAR