LEGAZPI CITY – Dai na basta-bastang matao nin police blotters an manlain-lain na mga hepatura kan Philippine National Police (PNP) sa Bicol Region bilang pag-utob sa data privacy act.
Magigirumduman, nainot nang pigkondenar kan Police Regional Office 5 (PRO5) asin Catanduanes Police Provincial Office (CATPPO) an warang basehan, warang permiso, asin iresponsableng pag-post ki sarong media manungod sa report o insidente na padagos pinag-iimbestigaran kan kapulisan.
Huli kaini, mas magigin maigot an PNP sa mga impormasyon na ipapaluwas, kun sain an nasa front desk mahapot n asana sa media kun ano an specific na impormasyon an kaipuhan.
An lakdang na ini, nganing masiyerto na warang media an mabalgar sa ley partikularmente pag-abot sa mga police report.