BICOL – Handa na an kapulisan sa rehiyon tanganing mantiniron an katoninongan asin seguridad sa paparaning komemorasyon kan Undas ngunyan na taon
Sa katunayan, kasado na an Oplan Ligtas Undas kan man iba ibang mga PNP Offices sa rehiyon kun saen nakalatag na an mga assistance desk asin deployment kan police force para sa pagcicierto kan peace and order siring man higot an health protocols sa laog asin luwas kan mga sementeryo asin kolumbaryo.
Pagiromdom kan kasurog Cops, kun mahali nin harong, siertuhon na nakakandado an gabos na pinto asin bintana siring man siertuhon na naka-unplug an mga appliances, nakabukas na gas stove o nakasinding kandila na pwedeng paggikanan nin kasulo.
Bago bumyahe, siertuhon na nasa kondisyon an sasakyan asin ibitaran an magdara nin mga dakulang kantidad nin kwarta asin mga alahas tanganing makaibitar sa mandurukot.
Apwera sa pagsusulot nin facemask asin faceshield magiging mahigpit man an kapulisan sa pagmantiner kan sarong metrong distansya kun kaya’t 30% capacity kan mga sementeryo an tutugutan na makalaog.
Katakod kaini pig ingganyar kan PNP-Bicol an mga Bicolano na kun kun pwede amay nang bumisita sa mga namaaram nang mahal sa buhay antes pa an nakatalaan na pagsasara kan gabos na mga sementeryo puon Oktubre bente nueve hasta Nobyembre dos taon dos mil bente uno base sa reglamentos na ibinaba kan National IATF.
Pig ingganyar man an gabos na magtiner na alerto asin ligtas dahil bako sana man soboot mararaot na element an pwedeng sumalisi sa mga siring panahon kundi maging an mga nakakaulakit na helang siring kan coronavirus disease.