‘Maging Matalino, Huwag Magpaloko.’ Kini ang pahimangno karon sa Philippine Overseas Employment Agency kun POEA human sa subling paggara sa mga illegal recruiter.
Gipaklaro ni Merit Hermo, senior labor and employment officer sa POEA-12 nga ang ilang ahensya ang attached agency sa Deparment of Labor and Employment o DOLE nga incharge sa overseas employment program sa gobyerno.
Alang sa mga gustong manarbaho abroad, kinahanglang sutaon ang detalye ug impormasyon sa recruiter pinaagi sa ilang website kung lisensyado o dili.
Samtang gibutyag ni Hermo nga ang timailhan sa illegal recruiter mao kadtong gapang balay balay sa pag-recruit, gasaad og taas nga suhulan ug paspas nga paglarga sa abroad.
Bisan kon libre o walay bayranan sa pag-aplay apan ang pagsingil sa pangbayad sa medical exam ang timailhan sa illegal recruitment.
Kinahanglan sa mga aplikante nga makigsayod sa POEA o bisan sa PESO office aron nga masuta ang status sa recruiter ug kinahanglan nga sa opisina o business address ang pag-transact aron dali lang mabawi ang mga dokumento sama sa passport ugaling dili modayun sa pagtrabaho.
Subling gipahinumdom ni Hermo sa gustong mag-abroad likayan ang pasalig nga mag tourist una pa pangitaan og employer o kaha direct hiring nga kinahanglan gihapong moagi sa POEA alang sa documentation ug proteksyon sa pagtrabaho abroad.