Gindayaw ni Police Regional Office 6 head, PBGEN Jack L Wanky ro madasig nga aksyon it Iloilo Police Provincial Office (IPPO) rasun nga naaresto eagi ro suspek nga si Michael Solis, nga nakabaril-patay kay Police Corporal Reo Manero.
Matandaan nga napatay si Manero matapos mabaril samtang nagapatigayun it police operation ku Abril 8 it gabii sa Barangay Sohoton, Barotac Nuevo, Iloilo.
Nag angkon ro nasambit nga pulis it multiple gunshot wounds sa anang ueo ag eawas nga insigida man nga gindaea sa ospital pero gindeklara nga dead on arrival.
Nasayuran nga ro suspek nga si Solis, 41yo nga taga Barangay Polot-an, Pototan, Iloilo hay maabung ginapangatubang nga kaso kaparehu it murder, illegal possession of firearm at acts of lasciviousness. // ANN DESLENE SALAZAR