Gintaw-an it klaro ni Makato SB Member Nilo Amboboyog, chairman it transportation ro reklamo it pilang multicab drivers sa Makato sa mga tricycle nga naga pick-up it pasahero paagto it Kalibo.
Suno kay SB member Amboboyog, may kasugtanan eon sanda sa panig it mga tricycle nga kung alas 6 it gabii hay pwede eon sanda nga pumila sa terminal sa Kalibo.
Ginhambae ni Amboboyog nga kunta hay magbigayan lang sa panig it multicab ag tricycle drivers bangud parehu eang segun sanda nga naga pangita.
Nasayuran nga owa it biyahe kung amat ro multicab sa gabii ngani para maging legal man ro pagpila sa terminal it mga tricycle hay ginpasugtan ro mga raya nga magbiyahe pinaagi it MOA.
Sa uman hay umapela si SB Amboboyog nga maghueogan eang it abaga ag posible segun nga magpatawag imaw it meeting sa masunod nga dominggo agud uman nga istoryahan ro nasambit nga isyu ag para masolusyunan raya. // ANN DESLENE SALAZAR