Naging madinaeag-on ro pagpatuman it Writ of Demolition sa Civil Case sa Barangay Yapak, sa isla it Boracay ku Abril 2, 2024.
Naging maayos ag na-base sa layer o ginpatuman nga police assistance it PNP sa tiempo it pagpatuman it demolisyon nga gin-umpisahan pa ku Enero 2024.
Sunod-sunod nga notices ag warnings ro ginserbi sa mga defendant agud maghalin ro mga raya sa nasambit nga lugar ag i-turn over sa tag-ana ro subject property nga ginaeakipan it 7.9 ektarya nga lote.
Bago ro final execution, sangka Pre-Demolition Conference ro ginpatawag ku Nobyembre 2023 agud masiguro ro transparency ag pagsunod sa tamang proseso.
Ku agahun it Abril 2, 2024, nagpatigayun it pre-deployment briefing kaibahan ro mga naka-deploy nga PNP security personnel agud masiguro ro operasyon it may safety.
Pero kat igapatuman eon hay 5 indibidwal halin sa Barangay Yapak sa isla it Boracay ro nagsukoe sa legal order it sheriff ag ginhana nga harangon ro demolition team ngani gindakop ro mga raya.
Ginkasuhan ku Abril 3, 2024 it kasong Resistance and Disobedience upon an Agent of Person in Authority ro 5 indibidwal sa Inquest Proceedings, pero ro kaso hay na-dismiss bangud sa procedural reasons.
Samtang, gindayaw man ni PRO6 Regional Director, PBGEN Jack L Wanky, ro ginhimo it deployed PNP personnel nga nagresulta sa maayos ag salbar nga pagpatuman it demolisyon. // ANN DESLENE SALAZAR