BICOL – PIGKAKARKOLONG maabot sa labi kinyento na mga saradit na negosyante sa rehiyon an nabenepisyaran na nasa irarom kan SETUP kan Department of Science and Technology o DOST.
Segun ki DOST-Bicol Regional Director Rommel Serrano, an SETUP o Small Enterprise Technology Upgrading Program iyo an “flagship program” kan ahensya na obhetong mapakusog an mga small enterprises sa tabang kan siyensa asin teknolohiya.
Sa irarom kan SETUP tatabangan an saradit na negosyante na makapag-upgrade sa paagi kan pag-adopt kan man iba ibang technological innovations para mapakusog an productivity asin competitiveness kan mga ini.
Apwera s aobhetong mapauswag an saradit na paagi man ini tanganing makatabang na mapababa an unemployment rate kan rehiyon sa paagi kan pag crear nin mas dakul na trabaho.
Dugang pa ni RD Serrano, dapat soboot na aprubitsaran an makabagong teknolohiya nin huli ta nagtataong dalan man ini tanganning urog pang mabisto an saindang produkto o serbisyo sa paagi kan pagbubukuas nin mas mahiwas na market.
Magigiromdoman na taon dos mil dos kan punan an nasabing programa sa Bicol kun saen maabot sa haros labi 260 million pesos kan naipaluwas na pondo kan DOST para ipanao sa mga saradit na negosyante na benepisyaryo kaini sa rehiyon.