BICOL—Bilang pagtataong komendasyon sa apat na atletang Pilipino na nag-uli nin onra sa nasyun sa isinagibong Tokyo Olympics, sarong resolusyon an ipinasar sa Sangguniang Panlalawigan kan Albay para sa mga ini.
Susog sa resolusyon, dakulang bagay an nagibo kan mga nasabing atleta na dawa papano mapaugma an mga Pilipino sa tahaw kan kapigaduhan dara kan COVID-19 pandemic.
Sigun ki Board Member Melissa Abadesa Armedilla, imbes na pagsararuon siring kan enot na rekomendasyon, ginibo suboot ninda ining tigsararo kada atleta ngani na maging mas personal an pagbati.
Marurumduman nag-uli nin sarong gold, duwang silver asin sarong bronze medal an Pilipinas dalan ngani na mangenot ini sa mga Southeast Asian nations sa Omlympics standing.
Nakua kan weight lifter na si Hidilyn Diaz an gold, silver si Nesthy Petecio sa boxing women’s feather weight siring man si Carlo Paalam, sa boxing men’s flyweight mantang bronze si Eumir Marcial sa boxing, men’s middle. #
