Temporaryo nga ginhilway sa prisohan sang Roxas Component City Police Station ang 30-anyos nga suspek driver nga nakabunggo-patay sa 3 ka mga kabataan Dominggo sang kaagahon sa Arnaldo Blvd., Barangay Babay, Roxas City matapos nakapiyansa sang kantidad nga P65,000.
Ginkilala ang Mitshubishi Strada Pick-up driver kay Jerex Diawara, residente sang Katipunan Village, Brgy. Lawaan nga nagapangatubang sang kaso nga Reckless Imprudence Resulting to Multiple Homicide, Physical Injuries kag Damage to Properties.
Matandaan, ginbawian sang kabuhi sanday Joshua Doronio, 18-anyos, driver sang Honda (Black); Justine Villariña, 16-anyos, residente sang Brgy. Chiquito, Panay, driver sang Honda (White) kag Cedric Baes, 16-anyos, (backrider ni Villariña) residente sang Brgy. Pob. Tabuc, Panay, Capiz.
Samtang kritikal naman sanday Joshua Albert Lanado, 19-anyos, driver sang Yamaha NMAX, residente sang Brgy. Tanza Sur, Panay kag Joshua Burata, 17-anyos (Backrider ni Lanado) residente sang Brgy. Pob. Tabuc, Panay.
Nahibaluan nga yara sa impluwensya sang makahulubog nga ilimnon si Diawara sang nagluntad ang insidente. | KMD Gicalde