Wala na makaipsot si Alyas Dodong sa kamot sa kapulisan human kini nakuhaan sa suspected illegal drugs nga shabu sa gipahigayong buy bust operation.
Sa hitabo, igo na lang sa pagpatulo og luha ang nahisgotan sanglit dile matod pa niya madawat nga siya maposasan ug mabalhog sa prisohan.
Giila ang suspek nga si Jhun Nathaniel Amarilla Punes alyas dodong , 19 anyos ang panuigon, ulitawo, driver og kasamtangan nagpuyo sa purok 13 Barangay Doongan ning Syudad sa Butuan.
Nakuha sa iyang position ang 1 ka sachet nga gituhuang shabu og 1 ka sachet nga buy bust item nga may gibug-aton nga 6 ka gramos , nga nagkantidad og P40,800 ug marked money balor P1,500 ingon man 1 ka android cellphone.
Ang maong pagpangronda gipangunahan ni PCAPT Moises Macalolot Jr. Hepe sa Butuan City Police Station 2.Sa pagkakaron, anaa na sa karsel ang maong suspetsado og paga-atubangon ang kasong R. A 9165 o Comprehensive Dangerous Drug Act of 2002