Anaa sa 22 lang gikan sa 3,003 ka mga barangay sa Central Visayas ang girekomendar sa Commission on Election (Comelec) nga ideklarar isip Election Watchlist Areas (EWAS).
Basi sab sa mga insidente nga nahitabo sa miaging mga piniliay.
Sa pagkakaron, wala pa nipagawas si Col. Gerard Ace Pelare, ang tigpamaba ni Police Regional Office (PRO 7) Director Brigadier General Anthony Aberin og mga pangan sa mga barangay tungod ipaubos pa kini sa validation sa COMELEC, militar ug kapulisan.
Gawas lang sa gitaho ni Police Major Mariejin Encio, ang information officer sa Cebu Police Provincial Office, nga nalakip sa yellow category sa COMELEC ang Barangay South Poblacion sa lungsod sa San Fernando ug Barangay Linao sa Talisay City gumikan sa mga election-related incident sa miaging piniliay.///