Namatikdan sa Cebu Police Provincial Office (CPPO) ang pagkunhod sa natala nga mga krimen sa Probinsiya sa Sugbo sulod sa unang bahin sa 2023.
Gikan sa Enero 1 hangtud sa Hulyo 9, 2023, natala sa CPPO ang 7,817 ka mga krimen, mas ubos tandi sa 7,916 ka insidente sa miaging tuig.
Matud ni Police Major Mariejin Encio, tigpamaba sa CPPO, kasagaran niini nga mga krimen mao ang pagpangawat, physical injuries ug rape.
Dugang niini, ang pagkunhod sa mga krimen sa Probinsiya sa Sugbo resulta sa ilang agresibo ug matinud-anon nga mga operasyon sa pagpatuman sa balaod, nga naglakip sa beat ug motorcycle patrolling, checkpoints sa crime-prone areas, intelligence driven operations, ug padayon nga information operations.///