CEBU -Gipasakaan sa National Bureau of Investigation (NBI) sa Central Visayas og unom ka ihap sa Estafa pinaagi sa Falsification of Public Document and Qualified Theft ang unom ka mga processor nga nadistino sa satellite office sa NBI sa usa ka mall sa Lapu-Lapu City, Mactan, kinsa gipasanginlan nga nangilad sa ahensya pinaagi sa ‘first-time job seeker’ policy niini.
Giila ang mga respondents nga sila Trixie Ivy Cartalla, Christelyn Micaros, Gemma Quimat, Billy Jean Omison, Almero Canamo, ug Ruwil Lucero. Tanan nagtrabaho ubos sa usa ka pribadong kompanya nga gikontrata sa pag-operate sa offsite center sa NBI sa maong lugar.
Ang mga suspek gipasanginlan nga nangilad sa NBI og labing menos P300,000 pinaagi sa pagpalsipikar sa mga rekord sa mga indibiduwal nga dili kuwalipikado sa Clearance of First Time Job Seekers (FTJS).
Sa findings sa NBI-7, ang unom ka akusado giingong nagkunsabo sa pagpangayo og P220 isip bayad sa pipila ka mga aplikante unya i-file kini isip FTJS clearances.
Gitugotan sa FTJS ang mga first-time nga nangita og trabaho nga mangayo og NBI clearance, usa ka pre-employment requisite, nga walay bayad.
Ang NBI nangayo og P220 isip bayad sa processing clearances