KALIBO, AKLAN—Padayon nga naganaba do aktibong kaso it COVID-19 sa probinsya it Aklan kung siin nagaabot lang raya makarun sa 722.
Sa nasambit nga datos it Aklan Provincial Epidemiology and Surveillance Unit (PESU), 390 do naka-facility quarantine, 245 do naka-home quarantine, ag 87 do admitted sa ospital.
Do mga nabilin nga aktibong kaso hay tanan mga local cases samtang do mga nailistang nagpositibo sa sakit nga mga Authorized Person Outside Residence (APOR), Locally Stranded Individual (LSI) ag Returning Overseas Filipino Worker (ROF) hay 100% eon nga nagmayad.
Samtang, as of August 27, 2021, do probinsya hay may kabilugan nga kaso nga nagaabot sa 11,540, total recoveries nga 10,532 ag may nailistang 286 nga COVID-19 related deaths. // SHERRY ANNE REUNIR-VIDAL