Nakahunong sa karun sa Dumangas PNP ang 36 anyos nga manunudolo kag 42 anyos sini nga kerido matapos maaktuhan sang kapulisan kag sang 37 anyos sini nga bana nga yara sa sulod sang isa ka Motel sa banwa sang Dumangas, Iloilo.
Natukiban sang bana ang una nga pagpangtunto sang iya maestra nga asawa sadtong bulan sang Nobyembre 2023 bangud nalipatan ni Ma’am nga ma log-out ang iya sini Messenger sa Laptop rasun nadakpan apang ginpatawad sang bana, liwat naman nga nadakpan sa pagpangtunto si Maam bulan sang Pebrero 2024 apang ginpatawad sa gihapon sang 37 anyos nga bana apang sang damlag lang Abril 4 nalipat naman liwat si maam nga mag log out ang iya account didto nakit-an sang bana nga magatabuay ang asawa sini kag kerido sa banwa sang Dumangas rasun nagdesisyon ang bana nga magpangayo sng assistance sa kapulisan agud ipadakop ang maluib nga asawa.
Suno sa kapulisan alas 10:10 sang maarestar ang duwa kung sa diin nasiplatan sa sulod sang motel nga wala na sang panapton si Maam kag nagatampi nalamang kag naghingagaw pa panago ang kerido apang nasiplatan sa gihapon nga nagalabaw ang ulo.
Sa impormasyon nga nakuha sang Brigada News Team, kasado sang walo ka tuig ang mag-asawa apang wala sang bata, tumandok sang Dumangas, Iloilo ang babaye apang nagatrabaho bilang manunudlo sa Probinsiya sang Negros Occidental.
Desidido ang bana nga pasakaan sang kaso ang iya asawa kag ang kerido sini kung sa diin ginaproseso na sang Dumangas MPS ang kaso nga Adultery batok sa mga suspetsado. – Andy Tabugo Galve