Gipahiluna na sa mga kabanay ang mga patay’ng lawas sa duha ka individual nga magbestfriend kinsa nakalas sa nahitabong ngilngig nga disgrasya pasado alas 6:10 adtong miaging adlaw didto sa P-14 Brgy. Baan Km3 ning syudad sa Butuan.
Giila sa Butuan City Police Station 1 ang mga namatay nga sila Jocel Flordeliza Beringuel, 22 anyos, residenti sa purok-8, Brgy. Los Angeles, Butuan City ug Reshel Somosot Polizon, 24 anyos, nagpuyo sa purok-5, Brgy. Baobaoan, Butuan City
Sa imbestigasyon sa kapulisan pauli na ang mga biktima dihang aksidente kining nibangga sa center island sa crossing tiniwisan sakop sa Brgy. Baan km3 ning syudad ug nikawat sa pikas linya hinungdan nga nidasmag usab kini sa motor nga kasugat diin gimanihuan sa usa ka Roldan Tura Elliot Jr. , 24 anyos lalaki , adunay kapuyo , ug residente sa P-Gabi, Basag ning dakbayan.
Tungod sa impact parehong nabunal sa sementadong dalan ang ulo sa mga biktima nga miresulta sa pagkabuak. Gisulayan pa kini pagdala sa Butuan City Medical Center apan gi deklara nga dead on arrival ang nag maneho sa motor nga si Jocel samtang pasado alas 10 sa buntag gideklarang patay usab ang iyang bestfriend nga si Reshel.
Samtang ang driver sa nadamay’ng motor minor injury lang ang naangkon. Dugang sa kapulisan nasabotan sa pamilya nga mag-iyahay nalang sa gasto tungod kay disgrasya man ang nahitabo apan mihatag usab ug tabang pinansyal ang pamilya ni Roldan.