Ginalauman na usab sa mga co-terminus ug Job Order workers sa City hall nga aduna gayod mga kausaban sa mosulod nga bag-ong administrasyon sa LGU Gensan.
Sa paghinabi sa 89.5 Brigada News FM Gensan kay CSU Deputy Rudy Buot sumala niini nga ang iyaha nga ginalauman sa bag-ong administrasyon nga ipadayon ang mga nalangay nga mga proyekto sa syudad.
Ang ikaduha nga panghinaut niini nga unta dili pangtangtangon ang tanang Job Order workers kay sa ilaha nga division anaa sa 178 ang JO’s unya adunay 32 ka co- terminus.
Sa bahin ni Buot kalabot sa wage increase sa nanghinaut usab siya nga mapatuman kini kay naluoy usab kini sa sitwasyon sa mga nagatrabaho nga nagadawat og gamay nga pasweldo.
Sumala usab kay Maricel nga kanhi JO sa syudad sumala niini nga angay lang patas-an ang sweldo kay walo ka oras usab ang trabaho unya kasagaran adunay pamilya.
Sa una daw ang iyang trabaho nagabantay sa mga gambalay sa City hall ug sa Oval Plaza kon may okasyon.
Ang usa pa nga komento niini nga unta aduna nay kausaban sa bag-ong administrasyon nga dili na malangay og dugay ang pasweldo, kay sa kalangay mapugos ang kadaghanan sa pagpangutang. I Ver Diazon