Nadiskubre ng Social Weather Stations (SWS) sa pamamagitan ng survey na kanilang ginawa na kontento ang 88% ng mga Pilipino sa perfromance ni dating Pangulong Rodrigo Duterte sa kanilang final days sa trabaho.
Kaugnay nito, tanging 5% lang ng mga respondents ang dissatisfied habang 7% ang undecided mula sa 1,500 participants sa survey na ginawa noong June 26 hanggang 29, 2022.
Batay sa resulta, lumalabas na +81 ang net satisfaction rating para kay Duterte o tinukoy ng SWS bilang “excellent.”
Ito ay mataas ng 16 points mula sa +65 o “very good” net satisfaction rating ng dating pangulo sa SWS April 2022 survey.
Dagdag ng SWS, na-break din nito ang kanyang record-high na +79 rating noong November 2020.