MISAKA ang ihap sa dengue cases ug death sa GenSan gikan Enero hangtud karong bulana tandi sa kaso atong 2020 sa samang panahon. Sa ulahing datus gikan sa City Epidemiology and Surveillance Unit (CESU) misaka og 105% ang cases naa sa 1,081 tandi sa 527 atong 2020.
Samtang lima ang natala nga dengue deaths nakalabay’ng tandi sa napulo (10) karong 2021. Nag-una sa natala og taas nga kaso sa dengue mao ang Barangay San Isidro (Lagao 2nd) nga dunay 169 cases. Gisundan sa Barangay Fatima nga nakatala og 160 cases; Calumpang 148 ug Labangal 134.
Luyo sa giatubang nga Covid-19 pandemic gipakusgan nila ang kampanya batok sa nagkadaiyang sa dengue, asoy sa opisyal sa health office sa siyudad. Apan base sa datus sa buhatan atong 2019, ubos ang natala nga dengue death karong tuiga dungan sa pagdeklara national dengue epidemic tungod sa pagsaka sa kaso sa sakit.
Una nang, gibutyag ni Dr. Rochelle Oco, labaw sa City Health Office nga padayong pagbantay nila sa komunidad tungod sa clustering sa kaso sa dengue. l Richel Gubalani