Luyag nga hibalu-on ni Governor Eugenio Jose Lacson ang pasuni kun bala magapatawag sang emergency meeting ang Department of Interior and Local Government (DILG) upod sa local government unit sang Bacolod kag Negros Occidental agud hambalan ang isyu natuhoy sa pagpatuman sang S-PaSS.
Para kay Lacson wala sang problema para sa iya kun magapatawag gid man sang meeting ang DILG- Region 6, apang iya ginapanindugan nga pareho man lang sa gihapon kun may S-PaSS ukon No S-PaSS bangud nga sa gihapon ang tagsa ka mga pasahero ang kinahanglan maghulat sa pag-presentar sang ila sini nga vaccination card ukon RT-PCR test result sa airline nga ila sini pagasakyan.
Sini gid lang, sa isa ka interview, ginpahayag ni DILG Region 6 Director Engeniero kag subong man chairman sang RIATF nga dapat ipatuman ang pagpatigayon sang S-PaSS base sa IATF resolution.
Ginpaalinton dugang sang gobernador indi gusto sang mga airlines nga sila ang basulon sa ulihi pananglitan magasaka liwat ang kaso sang Covid infections sa Negros Occidental.