Naniniwala ang isang grupo na hindi makakamit ng bansa ang sapat na suplay ng bigas bago ang taong 2028.
Pag-usisa ni Cathy Estavillo, tagapagsalita ng Bantay Bigas, na papaano makakamit ang rice sufficiensy kung may mga batas na humahadlang para maging masigla ang industriya ng bigas sa bansa.
Inihalimbawa nito ang Rice Liberalization Law, gayundin ang Regional Comprehensive Economic Partnership (RCEP).
Una nang sinabi ni NIA acting administrator Eduardo Guillen na kumpiyansa silang maaabot ng bansa ang target na 97.5% rice self-sufficiency sa pagsapit ng taong 2028.
Patuloy daw nilang kinukumbinsi ang mga magsasaka na magtanim ng hybrid rice at pagbibigay ng tamang pagsasanay at makinarya para maiproseso ang kanilang mga inaning produkto at mai-alok sa merkado. //CA, edited MHEL PACIA