GIBUTYAG sa labaw sa Montecielo crematorium facility nga si Pmha Anarosa Mangoramas nga miubos na ang ihap sa gi-cremate gikan bulan sa Disyembre 2021.
Kini dungan sa padayon nga pagtaas sa ihap sa nabakunahan, matud ni Mangoramas sukad pag-abot sa mga bakuna mikunhod usab ang namatay tungod sa Covid-19, nakatabang kini aron mapaubsan na ang kaso sa maong sakit ug natala usab ang zero case nga admitted sa mga ospital.
Nagpasalamat ang nasangpit nga daghan ang nagpartisipar sa vaccination, aron makab-ot na sa syudad ang target nga mabakunahan. Sa karon mokabat pa lang sa 295, 873 ka tao sa Gensan ang fully vaccinated batok Covid-19. Samtang 8, 428 usab ang naturokan na sa booster shot. I Enamie Mogpon