GIILA ang mga kalampusan sa mga social workers sa General Santos City human sa regular nga flag raising ceremony sa Oval gymnasium Marso 20, 2023 sa buntag.
Gitawag ang ilang grupo ug gipasaka sa intablado, gilamano usab sila sa mga opisyales sa syudad sa pagpanguna ni Mayor Lorelie Pacquaio, Vice Mayor Rosalita Nuñez ug uban pang konsehal.
Duha kanila ang nahimong outstanding, national awardee sa Gawad Parangal sa Association of Local Social Welfare and Development Officers of the Philippines, Inc.
Silang Social Welfare Officer II Rosalie S. Porcelin ug social welfare officer III Jocelyn Arzaga.
Sumala kay Porcelin nga malipayon kaayo siya maka proud daw nga usa siya sa nahimong outstanding social worker nationwide.
Ang ikaduha nga giila nga awardee mao si Jocelyn Arzaga, sumala niini nga nationwide ang competition sa Gawad Parangal subay sa mga criteria.
Gikan sa Mindanaowide nisaka sila sa nationwide level ug napili nga usa sa outstanding.
Usa daw sa gibasihan sa pasidungog ang ilang gi present nga effort sa pagbatok sa COVID-19 virus,ang award individual apan alang kanila trabaho kini sa tanan nilang kaubanan.
Sa pahayag sa labaw sa City Health Office nga si Dr.Lalaine Calonzo ang estado sa karon sa kampanya batok sa COVID 19 virus ang General Santos City anaa sa low risk.
Subay sa bulletin as of March 19, 2023 walay natala nga ba-ong kaso apan dili gihapon kita mag kumpyansa. I Ver Diazon