CEBU CITY – Luwas ang kapin sa 100 nga sakay sa barkong nasunog sa kadagatan sa Panglao, Bohol matud sa Philippine Coast Guard (PCG)-District Central Visayas.
Ang barkong MV Esperanza Star gikan sa Lazi, Siquijor ug padulong sa Tagbilaran City sa Bohol.
Matud ni CG Lieutenant Junior Grade John Wenceslao-Coast Guard Station Western Bohol nga mapasalamaton hinoon sila nga walay nakalas o naangol sa maong insidente.
Padayon pa usab ang ilang imbestigasyon may kalabutan sa hinungdan nga insidente lakip na ang pagpaabot sa Marine protest nga iduso sa kapitan sa maong barko.
Ang kadagkuan sa KHO Shipping Lines nga nanag-iya sa maong barko nagpasalamat sa PCG, TransAsia 19 ug sa mananagat sa Bohol sa pagluwas sa mga crew ug pasahero.//Wendilyn Manlangit-Carreon