CEBU – Gilaumang mu-host ang Sugbo sa hiniusang tigom sa United Nations World Tourism Organization (UNWTO) sa 2024.
Napili ang probinsiya sa Sugbo isip host sa UNWTO’s 36th Joint Commission Meeting for East Asia and the Pacific ug Commission for South Asia sunod tuig, nga gihulagway sa local industry leaders isip big-ticket meeting nga makaayo alang sa industriya sa turismo.
Pormal nga gipahibalo ang pag-host sa Sugbo atol sa joint meeting sa UNWTO nga gipahigayon sa Phnom Penh, Cambodia.
Ang Pilipinas, nga girepresentahan ni Tourism Secretary Christina Frasco, nakakuha usab og bag-ong mga tahas isip bise presidente sa 25th General Assembly sa UNWTO ug chair sa UNWTO Commission for East Asia and the Pacific.
Gipasalamatan usab ni Frasco ang UNWTO ug ang mga miyembro nga estado sa pagsuporta sa bid sa nasod.//Wendilyn Manlangit-Carreon