NAGAPADAYON ang pagtinabangay sa kapulisan sa pagpatuman sa Comelec checkpoint alayon sa May 9, 2022 National and Local Elections.
Abril 3 adlaw nga Dominggo naagihan sa Brigada ang mga kapulisan nga sakop sa Tambler PNP ug sa tabang sa taga Regional Mobile Force Batallon nagpahigayon og Comelec checkpoint atbang sa ilang estasyon.
Gipangunahan ni PLt. Francisco Alfeche ang team ginapara ang mga sakyanan nga naga agi unya ginapangitaan og papelis ang mga driver ug ginatan-aw ang sakyanan in plain view doctrine.
Sumala kay Alfeche nga ang ilang ginahimo alang sa kahapsay ug kalinaw sa umaabot nga piniliay, dili nila gusto nga masamok ang election gumikan sa mga armas mao nga nagahimo sila og checkpoint ug sukad sa ilang pag susi sa mga sakyanan hangtud nga nakaagi ang taga Brigada wala pa silay nakuha nga armas.
Samtang gipasabot usab ni Alfeche nga kon may makita sila nga druga o hinagiban sa mga nagabyahe ilaha kini nga kumpiskahon samtang sa mga may kasupakan sa balaud trapiko ilaha usa ginapahimangnoan kay wala pa silay Temporary Operators Permit o citation ticket apan kon makita nila nga daghan ang moagi nga walay mga lisensya mapugos sila sa pag- request sa presensya sa taga LTO o City Traffic aron maoy mo-isyu sa TOP.
Nakabutang usab sa ilang palibot sa checkpoint area ang pahibalo nga ‘Comelec checkpoint please cooperate.’ I Ver Diazon