LAING 122 ka mga miyembro sa KaBrigadahan GenSan ang natabangan sa ilang isig ka miyembro adlawng Sabado.
Anaa usab sa dul-an sa P400,000 ang natigom sa mga miyembro nga gibahin ngadto sa 122 ka mga miyembro nga nanginahanglan alang sa pagpaospital, pagpalubong, tambal ug uban pa.
Tulo ka miyembro ang personal nagpasalamat sa nadawat nga tabang ug sila ang nagpasalamat sa mga miyembro ingon man kay Brigada Elmer V.Catulpos nga nagmugna sa maong programa alang sa mga kabus.
Ang mga nagpasalamat mao silang Joselito Dimas,38-anyos, bana ni Emmalyn, 34-anyos nga nanganak og ceasarian ug dako ang bill sa ospital.
Nagpasalamat usab si Calixto Lapaz, 62-anyos alang sa pagpa-check up ug tambal sa iyang asawa nga si Concepcion, 61-anyos nga adunay sakit.
Si Jessica Adante, 27-anyos ang apil nagpasalamat sa mortuary assistance alang sa inahan nga namatay sa breast cancer.
Ang tulo ka kabahin lamang sa libuan ka mga katawhan na nga natabangan sa KaBrigadahan GenSan tungod sa pagtampo tampo sa mga miyembro. Samtang si Elsie Songalia, 62-anyos taga Bula ang nagpasalamat usab sa nadawat nga P7,500 plus alang sa bana nga kinahanglang maoperahan tungod sa bukol sa ulo, asa sulod lang sa duha ka oras, natigom ang maong kantidad, nga ang uban, dili miyembro sa KaBrigadahan.