NABAKUNAHAN Martes sa buntag gamit ang Sinovac Biotech Covid-19 vaccine si General Santos City Mayor Ronnel Rivera.
Matud ni Barangay Calumpang, Kapitan Ryan Dupalco gi-administer kini sa usa ka medical health worker sa Rural Health Unit (RHU) sa lugar.
Gawas sa mayor, nakauban niini nga nabakunahan ang mga Executive Assistance (EA) sa City Mayor’s Office (CMO). Ang mga EA’s sa mayor butyag ni Dupalaco ang nagsilbi usab nga ‘frontliner’ sa away batok Covid-19 pandemic.
Ang pagpabakuna sumala pa mga mayor ang base sa gipagula nga advisory sa Inter- Agency Task Force on Covid-19 (IATF), asa gitugotan na ang mga mayor sa mga gikonsiderang high risk cities ug munisipalities nga magpabakuna.
Apan sa ulahing pamahayag ni Presidential spokesperson Harry Roque naa sa ika-upat nga priorities ang local government officials. Sunod sa healthcare workers, senior citizens ug persons with comorbidities.
Sa GenSan as of May 09, 2021 naa sa 7,228 health care workers ang nakadawat sa unang dose sa bakuna;2,253 senior citizens ang nakakuha sa unang ‘shot’ sa bakuna samtang 2,938 health care workers ang nakakumpleto na sa duha ka dose sa bakuna batok virus. (Richel Gubalani)