BICOL – PIGKAKARKOLONG nasa haros sais sientos na mga parasira sa rehiyon na apektado kan mga nag aging bagyo an makikinabang ngunyan sa rehabilitation fund gikan sa Department of Agriculture o D.A.
Sa paagi ni D.A-Bicol Regional Executive Director Rodel Tornilla nai turn-over na sa Bureau of Fisheries and Aquatic Resource o BFAR-Bicol an otso milyones de pesos na Quick Response Fund.
Segun ki Rd Tornilla, an nasabing pondo ay nakatagama para sa pangkabuhayan kan mga parasisirang apektado kan makukusog na mga bagyo na tuminama sa rehiyon kan nakalihis na taon partikular kan Bagyong Quinta, super typhoon Rolly asin Bagyong Ulysses.
Base sa comprehensive project proposal kan BFAR-Bicol, gagamiton an pondo sa pagbakal nin tilapia, bangus asin grouper fingerlings, bangus fry, seaweed propagules, net gears, asin iba pang marine engines.
Kabale man an aquasilviculture asin green mussel culture asin pagbakal kan mga materyales para sa pagsasaayos kan mga bangkang pangsira.
Positibo si BFAR-Bicol OIC Regional Director Nelson Bien na an nasabing rehab assistance an mataong oportunidad para sa mga marginalized fisherfolks na soboot “vulnerable” sa mga kalamidad.
Sinabi man kaining an post disaster reconstruction an bako sana nakatutok sa pagpapakaray tanganing liwat na maibalik an pre-disaster condition imbes pag adopt d nin halangkaw na higher level of resiliency, climate change, mitigation measures asin iba pang recovery interventions.
An BFAR an saro sa bente singkong attached agencies kan ahensya sa sasarong obheto sa irarom kan One DA Reform Agenda na mapa uswag an sector nin agrikultura sa nacion.