LEGAZPI CITY – Sarong kasunduan an pinirmahan kan mga LGU kan Daraga asin Camalig, kasabay an gobyerno-probinsyal kan Albay dapit sa paglaog kan Bulkan Mayon, historical background kan Camalig, Cagsawa Ruins asin Budiao Ruins sa UNESCO World Heritage Nomination and Inclusion of Historical Sites.
Segun kay Mayor Carlos Irwin Baldo kan Daraga asin Carlwyn Baldo kan Camalig, dakulang bagay para sa sainang mga banwaan sa oras na makalaog an mga ini sa nasambi na nominasyon.
Apwera pa kaini, dakula su boot an posibilidad na maglangkaw an turismo, revenue asin magkaigwa nin dakulang pondo tanganing maataman nin marhay an heritage.
Dugang pa kaini, makakakrear man nin dakol na trabaho para sa mga namamanwaan. Segun man kay Dorothy Colle, namamayo kan Albay Provincial Tourism Office, kinakaipohan sanang maisumiter an mga rekisitos tanganing makalaog sa nasambit na nominasyon.