NAGLUSAD usab og imbestigasyon ang National Bureau of Investigation kun NBI-Sarangani District Office sa Yentez Quintoy slay case.
Kini ang gikumpirma ni Atty. Regner Peneza, head sa NBI-SARDO nga niadtong Biyernes pa sa gabii sila nagsugod sa pagpakatag sa ilang mga imbestigador aron makakuha og mga impormasyon nga mosangko sa pagkatudlo sa responsible sa pagkamatay sa Brigada executive office director ug chief of staff.
Segun kang Peneza nga padayun pa sila nga nagakuha og mga impormasyon, sama sa pakig-alayun sa kapulisan ug pagkuha og ubang detalye sa pamilya sa biktima.
Nagsulat na usab daw ang NBI sa kapulisan aron mag-request og mga dokumento sa insidente nga sarang makatabang usab sa ilang imbestigasyon.
Ang paghimo og kaugalingong imbestigasyon sa NBI-SARDO ang human usab sa kamanduan sa ilang labaw.
Walay timetable sa ilang imbestigasyon gawas nga gihangyo ang mga may nasayran nga mopatim-aw ug motabang sa paghatag kanila og impormasyon alang sa kasulbaran sa krimen.