Suportado ng independent research group OCTA ang mungkahing luwagan pa ang quarantine restrictions sa Metro Manila, sa harap na bumababa na ang infections ng COVID-19 sa capital region.
Ayon kay OCTA Research Group fellow Guido David, ang ‘NCR Plus’ na kinabibilangan ng Metro Manila, Bulacan, Cavite, Laguna, at Rizal, ay nagtala nalang ng 27 percent ng infections sa daily tally ng bansa mula sa 97 percent noong kasagsagan, sa pagitan ng March 29 hanggang April 4.
Maliban dito, ang virus reproduction rate, o ang bilang ng mga taong nahawa ng virus patient sa Metro Manila ay nasa 0.72, habang ang positivity rate ay bumaba ng 8 percent, at ang hospitalization rate ay nasa “safe level” na sa 40 percent.
Sa ngayon, wala rin naman umano silang nakikita na community transmission sa businesses, kaya maaring na ring sumugal sa pagbubukas ng iba pang negosyo. // MHEL PACIA-TRINIDAD