Gitugot sa Simbahang Katoliko ang pagpasakit sa kaugalingon sama sa pagpalansang sa krus ning panahon sa pagbalaan sa Semana Santa.
Apan hugot nga gipasabot ni Archdiocese of Cagayan de Oro, Jesus Nazareno Parish Priest Monsignor Perseus Cabunoc nga kung buhaton ang pagpasakit, kinahanglan kinasing-kasing kini ug dili sa unsa man nga interes.
Dugang niini nga sa sitwasyon karon sa Pilipinas nga nakasinati sa grabing kalisod diin ang katawhan nag-antos, malaumon ang simbahan nga mahimong kining pagpamalandong sa tanan aron makahinulsol sa mga sala.
Gidasig sab ang katawhan sa pagbuhat sa mga matarong, ug likayan nga mahimong garboso, mapahitas-on, hilabtanon ug uban pang dautang binuhatan.