Isinagawa ng Provincial Government of Isabela (PGI) ang final executive meeting kahapon, January 10, para sa kanilang paghahanda sa Bambanti Festival 2024 na may temang “Ettam ngana ta Isabela” o Tara na sa Isabela!
Kabilang sa mga pinag-usapan sa naturang meeting ang traffic management plan, security plan, financial plan, sports activities, at iba pa.
Tumatayo naman bilang Executive Committee chairman, at Bambanti Festival 2024 Director General ang Bise Gobernador ng Isabela na si Faustino “Bojie” G. Dy III.
Kaugnay nito, ang mga competitions sa Bambanti Festival ay mahahati sa dalawang kategorya: Category A para sa mga lungsod at 1st class municipalities; habang Category B naman para sa mga 2nd class hanggang 5th class municipalities.
Ilan din sa mga inaabangang activities sa Bambanti Festival ay ang Search for Queen Isabela 2024, Agri-ecotourism Exhibit and Sale, Giant Bambanti Showcase, Street Dance and Dance Showdown Competitions, Festival King and Queen, Makan ken Mainum, Music Festival, Fun Run, Bubble and Rave Party, Grand Concert, and Grand Fireworks Display.
Samantala, ipinagdiriwang ang Bambanti Festival tuwing huling linggo ng Enero.