Tumaob ang MBCA Princess Aya sa karagatan ng Binangonan, Rizal kahapon.
Ayon sa Philippine Coast Guard (PCG) spokesperson Rear Admiral Armand Balilo, nag-panic ang mga pasahero nang hampasin ng malakas na hangin ang pampasaherong bangka.
Kaugnay rito, nataranta ang mga sakay , at tumungo sa kaliwang bahagi ng bangka na siyang naging dahilan ng pagtaob nito.
Sinabi ni Balilona na hindi pa matiyak ng PCG ang kabuoang bilang ng mga namatay sa aksidente dahil nakatanggap sila ng iba’t ibang bilang mula sa kanilang mga tauhan.
Batay sa inisyal na ulat ng Philippine Coast Guard (PCG), 40 ang nakaligtas at 26 katao naman ang namatay sa aksidente.