Panalo ang Philippine para chess team ng apat na gintong medalya sa 11th ASEAN Para Games sa Indonesia.
Si FIDE master Sander Severino kasama sina Henry Lopez at Jasper Rom ay nakakuha ng gold para sa Standard P1 men’s team event, habang si Menandro Redor, Arman Subaste, at Darry Bernardo ay nanalo rin ng gold medal sa B2 men’s team event.
Una nito, nasungkit rin ni Ariel Joseph Alegarbes ang dalawang gold medals sa kanyang 100-meter backstroke at 50-meter butterfly S14 events.
Gold medals rin ang naibulsa nina King James Reyes para sa men’s 5000-meter T46 at Jesebel Tordecilla sa women’s javelin throw F55, para sa naturang para athletics.
Ayon sa Team Philippines, na as of Tuesday nakakuha na ang Pilipinas ng 13 gold, 11 silver, at 20 bronze medals sa Para Games.
