MITULO gayud ang luha sa tanang mitambong sa lubong ni Maam Yentez Quintoy adlawng Sabado, asa lakip dinhi ang mga top executives sa Brigada nga silang CEO/President Elmer V. Catulpos ug Executive Vice President Yelcy Yasay Catulpos.
Sa bahin ni YYC, giangkon niini nga hangtud sa hangtud nga mapasalamaton kaniya ang Brigada tungod sa iyang nahimo.
Sa kalambuan karon nga naangkon sa Brigada, mahimong proud niini ang iyang mga anak ug kini ang ilang ikapasigarbo tungod sa nahimo niini sa kompanya.
Gipasalig usab ni Maam Yelcy nga ang posisyon ni Quintoy sa Brigada ang magpabilin ug walay ni bisan kinsa ang makapuli niini.
Gani dugang pa nga gipasalig ni Mrs. Catulpos nga bisan wala na si Yentez, magpabiling proud ang iyang mga anak dungan sa pagbutyag nga magpabutang kini og hall alang sa nahisgutan aron magpabiling nakatatak ang iyang pangalan didto ug makita sa iyang mga anak ang nahimo sa Brigada.
Gisaludohan usab ni Maam Yelcy si Yentez ug dli gayud bisan kanus-a mawala sa ilang dughan ug panumduman ang iyang pagkatawo.